Isa sa mga pinakamalaking biyaya sa buhay ko ang magkaroon ng pagkakataong maipagpatuloy ang partnership ko with World Vision. 🧡 @worldvisionphl Sa dami ng mga bagay na ginagawa ko, ito talaga ang isa sa mga pinakamalapit sa puso ko. Bilang isang ate, lagi kong nararamdaman na may responsibilidad akong mag-alaga, makinig, umalalay, at magbigay ng pag-asa kung saan ko kaya. Kaya napaka-espesyal para sa akin ng pagkakataong makilala ang mga batang ito, marinig ang kanilang mga kwento, makita ang kanilang mga pangarap, at kahit sa simpleng paraan ay maging bahagi ng kanilang paglalakbay. Sa bawat batang nakikilala ko sa pamamagitan ng World Vision, mas lalo akong napapaalala kung gaano kahalaga ang mabigyan sila ng pagkakataong mangarap, makapag-aral, maging ligtas, at lumaki na may mga taong naniniwala sa kanila. Minsan, ang kailangan lang talaga ng isang bata ay ang maramdaman na may nakikinig, may nagmamalasakit, at may nagsasabing, “Kaya mo 'yan. Naniniwala ako sa'yo.” At kung may isang bagay na gusto kong gawin habang may pagkakataon ako, iyon ay ang maging isa sa mga taong iyon para sa kanila. Salamat, World Vision, sa muling pagtitiwala at sa pagkakataong maipagpatuloy ang misyong ito kasama kayo. Napakalaking karangalan na magamit ang boses, oras, at puso ko para sa mga batang Pilipino. Habang may pagkakataon, patuloy kong pipiliing maging ate - hindi lang sa sarili kong pamilya, kundi sa mas marami pang batang nangangailangan ng pagmamahal, gabay, at pag-asa. 🌎 #MakeHopeReal