Nimemuona mama wa Mheshimiwa Polepole akizungumza kwa uchungu mkubwa, na pale moyo wangu uliguswa sana. Nimeumia. Nimevunjika moyo. Inaniuma kuona watu wanachukuliwa na watu wasiojulikana, na hadi leo hawajulikani walipo. Wengine hawa wanaochukuliwa hawana majina makubwa kama Mh. Polepole. Wengine hawajulikani kabisa. Hakuna watu wengi wa kuwasemea. Familia zao zimevunjika mioyo kimya kimya bila msaada wowote.🥹 Na jambo hili si jipya. Kwanini hadi leo polisi au vyombo vyetu vya ulinzi hawajawahi kulipa uzito jambo hili?Familia nyingi nami pia nikiwa miongoni tumebaki na maswali bila majibu. Haki iko wapi?🥹 Ni lini sauti za waliopotezwa zitasikika? Au tutaendelea kuona miili ikitupwa baharini, imefungwa mabendeji imekufa na mingine tusione kana kwamba maisha yao hayakuwa na thamani? Kweli?😭 Nimechoka, nimebeba uchungu, lakini si kwa sababu ya siasa.Mimi si mwanasiasa na sipo hapa kumtetea mtu aliyefanya kosa akifanya makosa awajibike. Lakini kama binadamu, na hasa kama mama, sitanyamaza kimya. Maumivu ya mama wa Mh. Polepole yamekuwa sauti ya mamia ya familia ambazo ndoto zao zilinyamazishwa bila huruma. 🥹 Jambo hili linatufanya tujiulize👇 Kwa nini Jeshi la Polisi na vombo vya usalama vimekuwa kimya miaka yote hii? Kwa nini hawajawahi kuchukua hatua wala kujali vilio vya familia hizi? Au kwa sababu si wa kuonekana mitandaoni? Au hawana watu wa kuwapigania hadharani? Kama mtu kafanya kosa, ashughulikiwe kwa mujibu wa sheria. Lakini si kwa kutekwa na kuteswa kwa siri Haki haiko hivyo. Haki ni ya wazi, ya usawa, na ya kibinadamu Leo nimejikuta nikijiweka kwenye viatu vya yule mama. Nikaona kama ni mtoto wangu, kaka yangu, au mtu wangu wa karibu. Uchungu huo si wa mama huyo pekee.Ni uchungu wa kila mama, kila mke, kila mtoto aliyepoteza mpendwa wake bila kujua aliko. Mtu hujui kesho nani weweau mimi🥹. Ingekua inakukuta wewe Polisi au mwanajeshi ungelala ikiwa familia yako inapitia hiki wanachopitia familia zingine?🥹 nchi inalindwa mpakani ila watu wanatekwa ndani ya nchi sasa tunalinda nini? EE MUNGU TUHURUMIE TUNAHITAJI NEEMA YAKO 😭🙌🏻 #NotForMH #HakiKwanza #SilencelsNotJustice #HakiKwaWaliopotea #TukataeUkandamizaji #TanzaniaYenyeHakiNaHuruma🥹